Jab Bhi Us shaKHs Ko Dekha Jae

jab bhī us shaḳhs ko dekhā jaa.e

kuchh kahā jaa.e na sochā jaa.e

dīda-e-kor hai qarya qarya

aa.ina kis ko dikhāyā jaa.e

dāman-e-ahd-e-vafā kyā thā maiñ

dil hī hāthoñ se jo niklā jaa.e

dard-mandoñ se taġhāful kab tak

us ko ehsās dilāyā jaa.e

kyā vo itnā hī hasīñ lagtā hai

is ko nazdīk se dekhā jaa.e

vo kabhī sur hai kabhī rañg ‘amjad’

us ko kis naam se DhūñDā jaa.e

Leave a Comment