Amjad Islam Amjad
jab bhi us shaḳhs ko dekha jaa.e
kuchh kaha jaa.e na socha jaa.e
dida-e-kor hai qarya qarya
aa.ina kis ko dikhaya jaa.e
daman-e-ahd-e-vafa kya tha main
dil hi hathon se jo nikla jaa.e
dard-mandon se taghaful kab tak
us ko ehsas dilaya jaa.e
kya vo itna hi hasin lagta hai
is ko nazdik se dekha jaa.e
vo kabhi sur hai kabhi rang ‘amjad’
us ko kis naam se DhunDa jaa.e
Leave a Reply