Wajid Ali Shah Akhtar
ghuncha-e-dil khile jo chaho tum
gulshan-e-dahr men saba ho tum
be-muravvat ho bevafa ho tum
apne matlab ke ashna ho tum
kaun ho kya ho kya tumhen likkhen
aadmi ho pari ho kya ho tum
pista-e-lab se ham ko quvvat do
dil-e-bimar ki dava ho tum
ham ko hasil kisi ki ulfat se
matlab-e-dil ho muddaa ho tum
yahi ashiq ka paas karte hain
kyuun ji kyuun dar-pa-e-jafa ho tum
usi ‘akhtar’ ke tum hue mashuq
hanso bolo usi ko chaho tum
Leave a Reply