tire ghamon se ibarat hai ab khushi meri
guzar rahi hai saliqe se zindagi meri
kabhi jo zarra-e-khaki ka koi zikr chhida
nigah uth ke sitaron pe jam gai meri
ye aur baat ki jiine ka lutf aa na saka
tire baghair bhi guzri hai zindagi meri
vo kaif hai ki ab aapa bhi koi hosh nahin
ye kis maqam pe laai hai be-khudi meri
palak palak pe sitare saje hue hain ‘ziya’
ye un ka husn-e-nazar hai ki raushni meri
Leave a Reply