Poet
jab bhi saman-e-sukun-e-dil-o-jan hone laga
choT khaa.i thi kabhi is ka guman hone laga
ab tiri anjuman-e-naz koi raaz nahin
ab mira dard bhi lafzon men bayan hone laga
ziist kya chiiz hai koi bhi na pahchan saka
surḳh-ru kaun hua kis ka ziyan hone laga
sho.ala-e-gul ne liya daman-e-gulchin se ḳhiraj
ḳhud baharon ko bhi ehsas-e-ḳhizan hone laga
charagar chak-gareban ki ḳhabar lene lage
aam phir shikva-e-bedad-garan hone laga
vaqt ke saath to ehsas bhi miT jaata hai
kis ko ma.alum ki ab dard kahan hone laga
kisi tufan ki aamad hai ḳhuda ḳhair kare
mehrban ham pe jo vo dushman-e-jan hone laga
Leave a Reply