ajay-sahaab

Jab Bhi Milte Hain To Jine Ki dua dete Hain

jab bhi milte hain to jiine ki dua dete hain

jaane kis baat ki vo ham ko saza dete hain

hadse jaan to lete hain magar sach ye hai

hadse hi hamen jiina bhi sikha dete hain

raat aai to taḌapte hain charaghon ke liye

sub.h hote hi jise log bujha dete hain

hosh men ho ke bhi saaqi ka bharam rakhne ko

laḌkhaḌane ki ham afvah uḌa dete hain

kyuun na lauTe vo udasi ka musafir yaaro

zaḳhm siine ke use roz sada dete hain

More Poems

Leave a Comment