Moin Shadab
jab bhi koi kitab likkhunga
tere naam intisab likkhunga
dil to kahta nahin magar us ko
maslahat se janab likkhunga
haath to chhoḌ gardish-e-dauran
us ke ḳhat ka javab likkhunga
aa.ine par to mera zor nahin
main tujhe la-javab likkhunga
tera haq hai tu jo kahe mujh ko
main to tujh ko gulab likkhunga
aa.egi jab basant-purnima
main kisi ka ‘shabab’ likkhunga
Leave a Reply