Qubul Tha Ki Falak Mujh Pe Sau Jafa Karta

qubūl thā ki falak mujh pe sau jafā kartā

par ek ye ki na tujh se mujhe judā kartā

karūñ huuñ shaad dil apnā tire tasavvur se

agar ye shaġhl na hotā to kyā kiyā kartā

safed saf.ha-e-kāġhaz kahīñ na phir rahtā

agar maiñ jaur-o-jafā ko tirī likhā kartā

hinā kī tarah agar dastaras mujhe hotī

to kis ḳhushī se tire paañv meñ lagā kartā

ġham-e-firāq gar aisā maiñ jāntā ‘bedār’

to apne dil ko kisī se na āshnā kartā

Leave a Comment