hue the bhaag ke parde men tum nihan kyunkar
vo pahli vasl ki shab shokhiyan thiin haan kyunkar
falak ko dekh ke kahta huun josh-e-vahshat men
ilahi thahre miri aah ka dhuan kyunkar
tumhare kuche men us na-tavan ka tha kya kaam
mujhe bhi soch hai aaya huun main yahan kyunkar
zaban hai lazzat-e-bosa se band ai zalim
maza bhara hai jo dil men karun bayan kyunkar
shab-e-visal se shikve hazaron hain ji men
ilahi band rahegi miri zaban kyunkar
Leave a Reply