dil ki avaz pe bai.at bhi to ho sakti hai
tum agar chaho mohabbat bhi to ho sakti hai
main jise samjha huun avara hava ki dastak
tere aane ki basharat bhi to ho sakti hai
zindagi tere tasavvur se hi mashrut nahin
teri yadon se halakat bhi to ho sakti hai
aḳhiri baar tujhe dekhna hasrat hi nahin
marne vaale ki zarurat bhi to ho sakti hai
kab zaruri hai ki ham qais ki sunnat pe chalen
maz.hab-e-ishq men bid.at bhi to ho sakti hai
is liye dekhta rahta huun musalsal tujh ko
aankh mahrum-e-basarat bhi to ho sakti hai
lafz sheron men jo Dhalte nahin ‘tahsin’ mire
soch ke rizq men qillat bhi to ho sakti hai
Leave a Reply