ziist be-ikhtiyar guzri hai
juun nasim-e-bahar guzri hai
dil men barpa qayamaten karti
nigah-e-sharmsar guzri hai
saghar o saaz duur hi rakhiye
varna yuun bhi bahar guzri hai
zamzama-sanj o zarfishan nikhat
phir saba par savar guzri hai
kya guzargah hai mohabbat ki
khud-ba-khud baar baar guzri hai
ik dur-e-shahvar-e-sad-bustan
phir lab-e-juebar guzri hai
haae shirini-e-lab-e-lalin
muskurati bahar guzri hai
vaae tufan-e-sina-e-simin
dukhtar-e-kohsar guzri hai
zindagi ki jamil rahon se
khud ajal sharmsar guzri hai
Leave a Reply