Poet
lamha miri giraft men aaya nikal gaya
jaise kisi ne haath milaya nikal gaya
kanTa sa ik chubha tha mire dil men ḳhauf-e-marg
main ne zara sa zor lagaya nikal gaya
shaitan meri zaat ke andar muqim tha
loban koThari men jalaya nikal gaya
jab raat ḳhuub Dhal ga.i soya mira vajud
kaun-o-makan ki sair ko saaya nikal gaya
mujh men muqim shaḳhs musafir tha da.imi
saman ek roz uThaya nikal gaya
ik pechdar kiil tha ye sirr-e-ka.enat
main ne ise pakaḌ ke ghumaya nikal gaya
Leave a Reply