Javed Akhtar
jab a.ina koi dekho ik ajnabi dekho
kahan pe laa.i hai tum ko ye zindagi dekho
mohabbaton men kahan apne vaste fursat
jise bhi chahe vo chahe miri ḳhushi dekho
jo ho sake to ziyada hi chahna mujh ko
kabhi jo meri mohabbat men kuchh kami dekho
jo duur jaa.e to gham hai jo paas aa.e to dard
na jaane kya hai vo kambaḳht aadmi dekho
ujala to nahin kah sakte is ko ham lekin
zara si kam to hui hai ye tirgi dekho
Leave a Reply