dil diya Tab Ki Bahut Zulf-E-Rasa Ne Chaha

Poet

dil diya tab ki bahut zulf-e-rasa ne chaha

aap farmate hain yuun us ki bala ne chaha

ta-dam-e-marg na hon tujh se miri jaan juda

main ne chaha tha va-lekin na khuda ne chaha

chal base dekhte hi chaal ada ki ham to

ho ve qissa hi ada teri ada ne chaha

ghar se kis tarah se yuun hazrat-e-munim niklen

di na buubu ne ijazat na divane chaha

ho ke yak-dast tire aur hi ai yar-e-numud

jab tujhe ham se kisi be-sar-o-pa ne chaha

marte marte bhi na yak-bar tujhe dekh liya

is qadar bhi na miri jaan qaza ne chaha

koi apna na hua silsila-jumban-e-junun

ek fil-jumla usi zulf-e-dota ne chaha

jis tarah chaho satao mujhe har roz buto

us ka ik raat evaz lunga khuda ne chaha

nam-e-anqa se bhi nang aata hai ‘ehsan’ mujhe

shohra-e-nam ko kyuun ahl-e-fana ne chaha