dil na divana ho ye us ko gavara bhi nahin
chaak daman-o-gireban hon ye iima bhi nahin
ham liye ja.enge kuchh us ka bharosa bhi nahin
jaan de den ye mohabbat ka taqaza bhi nahin
be-niyaz aap se ho jaa.en ye hota bhi nahin
dil hi jab dekhte hain koi tamanna bhi nahin
jaan be-tab si rahti hai ki ho jaa.e nisar
aankh bhar kar abhi ham ne use dekha bhi nahin
zaḳhm baḌhta bhi nahin faisla jis se ho jaa.e
tiir vo dil men laga hai ki nikalta bhi nahin
be-hijabi bhi nahin vo ki jo hosh uḌ jaa.en
hosh rah jaa.en Thikane hi dar-parda bhi nahin
chain paḌta hi nahin hai kisi karvaT ham ko
ḳhaar siine men chhupa huun koi aisa bhi nahin
phir bhi dil hai ki usi par hue jaata hai nisar
aankh uTha kar kabhi jis ne hamen dekha bhi nahin
zarre zarre pe bahar aa ga.i dil men bhi bahar
jazba-e-shauq hamara abhi bhaḌka bhi nahin
paanv rakhte bhi nahin aap baḌhe jaate hain
ham ko us kuche ka sauda ho to sauda bhi nahin
lutf hota to yahi tha ki na hote barbad
ham jo barbad hue to koi shikva bhi nahin
shikva-e-jaur to karte hain magar sach to ye hai
lutf ham par ho ‘jigar’ ham ne ye chaha bhi nahin
Leave a Reply