hava ke taḳht par agar tamam umr tu raha
mujhe ḳhabar na ho saki pa saath saath main bhi tha
chamakte nuur ke dinon men tere astan se duur
vo main ki aftab ki safed shaḳh par khila
hijab aa gaya tha mujh ko dil ke iztirab par
yahi sabab hai tere dar pe lauT kar na aa saka
vo kis makan ki dhuup thii, gali gali men bhar ga.i
vo kaun sabza-ruḳh tha jo ki mom sa pighal gaya
kabhi to chal ke dekho saa.e pipalon ke des ke
jahan laḌakpana hamare haath se juda hua
Leave a Reply