kaun aaya gesuon ko pareshan kiye hue
bardadi-e-nigah ka saman kiye hue
phir chahta huun ḳhanjar-e-qatil se irtibat
dushvari-e-hayat ko asan kiye hue
phir sahil-e-murad ki hai dil ko aarzu
kashti ko nazr-e-shorish-e-tufan kiye hue
phir huun tire taghaful-e-zahir ka shikva-sanj
jaan ko fida-e-pursish-e-pinhan kiye hue
phir hain harim-e-naz se jalvon ki barishen
hairani-e-nigah ka saman kiye hue
‘maikash’ nahin mujhe mai-o-mai-ḳhana ki talash
baiTha huun chashm-e-yar se paiman kiye hue
Leave a Reply