shahryar

Jaane Kya Dekha Tha Maine Khwab Mein

jaane kya dekha tha main ne khvab men

phans gaya phir jism ke girdab men

tera kya tu to baras ke khul gaya

mera sab kuchh bah gaya sailab men

meri ankhon ka bhi hissa hai bahut

tere is chehre ki ab-o-tab men

tujh men aur mujh men taalluq hai vahi

hai jo rishta saaz aur mizrab men

mera vaada hai ki saari zindagi

tujh se main milta rahunga khvab men

More Poems

Leave a Comment