fahmida-riaz

Barf-Bari Ki Rut

yahin to kahin par

tumhare labon ne

mire sard honton se barfile zarre chune the

usi ped ki chhal par haath rakh kar

ham ik din khade the

yahin barf-bari men ham ladkhadate hue ja rahe the

bahak taaza boson ki sar men samae

ham-aghoshi jism-o-jan ke nashe men

gai barf-bari ki rut

aur pighalti hui barf bhi bah gai sab

yahan kuchh nahin ab

ki har shai nai hai

hata kar rida barf ki ghaas lahra rahi hai

hari pattiyon ki ghani tahniyon men

hava jab chale to

gae mausamon se guzarti

hamari hansi gunjti hai

More Poems

Leave a Comment