Roya Na Hun Jahan Mein Gareban Ko Apne Phad

roya na huun jahan men gareban ko apne phaad

aisa na koi dasht hai zalim na kui ujaad

aata hai mohtasib pa-e-taazir mai-kasho

pagdi ko us ki phenk do dadhi ko lo ukhad

sabit tha jab talak ye gareban khafa tha main

karte hi chaak khul gae chhati ke sab kivad

mere ghubar ne to tire dil men ki hai ja

go meri musht-e-khak se daman ki taiin tu jhaad

‘taban’ zi-bas hava-e-junun sar men hai mire

ab main huun aur dasht hai ye sar hai aur pahad

Leave a Comment