poet

Kiya Hai Tu Ne To Jaan-E-Jahan Jahan Taskhir

kiya hai tu ne to jan-e-jahan jahan taskhir

hua hai husn ka shohra tira to alam-gir

naha ke baal jo sarkae gore chehre se

to jaise chand nikal aaya kaali badri chiir

na khub-ru tujhe kah sakte hain na mahr na maah

ajab gadhi yad-e-qudrat ne kuchh tiri tasvir

jahan pada tira saaya uga vahan gulzar

qadam dhara hai tu jis ja bana hai mushk-o-abir

shikar kar liya saara jahan shikar-andaz

hua hai paar nigah se tiri nigah ka tiir

hue na zabh na fitrak tak ye ja pahunche

idhar udhar hain tadapte ye nim-jan nakhchir

hai ‘azfari’ vo siyah-bakht saanp kaata bhi

padi hai zulf ki aa jis ke paanv men zanjir

More Poems

Leave a Comment