tujh se hi sab bahar hai mire dost
tu hi dil ka qarar hai mire dost
teri yadon se dil hua abad
varna ujḌa dayar hai mire dost
lutf ke saa.e men mujhe rakh le
dhuup hai regzar hai mire dost
tu hai sar chaḌh ke bolta jaadu
tu sarapa ḳhumar hai mire dost
mujh se abad hai jo tanha.i
zindagi ka singhar hai mire dost
duniya kuchh bhi kahe magar ‘jazib’
vaqt be-e’tibar hai mire dost
Leave a Reply