tai hua din ki khule shaam ke bistar chaliye
paanv ko hukm thakan ka hai ki ab ghar chaliye
pahle pahle to kisi chiiz se Takraoge
tab kahin zehn kahega ki sambhal kar chaliye
choT dekhenge to manzil pe nahin pahunchenge
lag ga.i paanv ko jo lagni thi Thokar chaliye
aise kitne hi milenge tumhen manzil tak so
dekhna chhoḌiye bhi miil ke patthar chaliye
raah men bhiiḌ Darati hai to ghar jaate hain aur
ghar ki tanha.i ye kahti hai ki bahar chaliye
Leave a Reply