Afzal Naved
na rona rah gaya baaqi na hansna rah gaya baaqi
ik apne aap par avaze kasna rah gaya baaqi
hamari khud-faramoshi ye duniya jaan jaegi
zara sa aur is daldal men dhansna rah gaya baaqi
havas ke naag ne din raat rakkha apne changul men
bahut khela hamare tan se dasna rah gaya baaqi
kisi ke pyaar ka qissa adhura chhod aae ham
ulajhna khud se aur har dam tarasna rah gaya baaqi
kisi ko rashk aae kyuun na qismat par hamari ab
ujad aae hain har janib se basna rah gaya baaqi
kisi ki aankh ne khvab-e-tahayyur taan rakkha hai
‘naved’ us dam-e-yaktai men phansna rah gaya baaqi
Leave a Reply