jaane kis moḌ juda.i ki ghaḌi aati hai
hijr ki bel munDeron pe chaḌhi aati hai
kya ḳhabar dhuup ki aadat ko bigaḌa kis ne
bin-bula.e mere angan men chali aati hai
hijr men vasl ki babat nahin socha karte
aisa karne se mohabbat men kami aati hai
jaane kyuun vasl ka mausam nahin aane deta
jaane kya us ke ḳhazane men kami aati hai
dard ka koi to rishta hai qalam se ‘noman’
kuchh bhi likhta huun to ankhon men nami aati hai
Leave a Reply