abul-hasanat-haqqi

Jaane In Aankhon Ne Us Dasht Mein Dekha Kya Kya

jaane in ankhon ne us dasht men dekha kya kya

mere siine men koi shor utha tha kya kya

aaj tak parda-e-taabir se bahar na mila

aur hota hai shab-o-roz tamasha kya kya

shabnam-asar bhala chain se baitha kab huun

khud ko phailata raha aankh men sahra kya kya

haan vahi rang jo tartib na paaya mujh men

apni ankhon men vo karta raha gahra kya kya

khuub hote hi rahe sab khush-o-na-khush mujh men

mujh se sharminda raha zakhm-o-mudava kya kya

haath pairon men kisi shauq ki halchal thi bahut

dekhta hi raha main janib-e-sahra kya kya

us ki be-mehri ka shikva nahin hoga mujh se

main bhi rakhta tha kabhi dil men irada kya kya

duur rahta hai magar jumbish-e-lab bos-o-kanar

Dubta rahta hai dariya men kinara kya kya

More Poems

Leave a Comment