Qamar Jameel
jaane do in naghmon ko ahang-e-shikast-e-saz na samjho
dard-bhari avaz to sun lo dard-bhari avaz na samjho
jaao baharo jaao jaao viranon ke paas na aao
alam-e-shauq-e-asuda ko hasrat ka ghammaz na samjho
zaḳhm lagana aata hai in phulon se nazuk logon ko bhi
behtar hai in phuul se nazuk logon ke andaz na samjho
ḳhamoshi ke sahraon men bhaTke hue sangit na jaano
tar-e-nafas ke naghme hain ye in ko miri avaz na samjho
Leave a Reply