Jaane Do in Naghmon Ko Aahang-E-Shikast-E-Saz Na Samjho

jaane do in naġhmoñ ko āhañg-e-shikast-e-sāz na samjho

dard-bharī āvāz to sun lo dard-bharī āvāz na samjho

jaao bahāro jaao jaao vīrānoñ ke paas na aao

ālam-e-shauq-e-āsūda ko hasrat kā ġhammāz na samjho

zaḳhm lagānā aatā hai in phūloñ se nāzuk logoñ ko bhī

behtar hai in phuul se nāzuk logoñ ke andāz na samjho

ḳhāmoshī ke sahrāoñ meñ bhaTke hue sañgīt na jaano

tār-e-nafas ke naġhme haiñ ye in ko mirī āvāz na samjho

Leave a Comment