Khwaja Ali Husain
jaana mujhe kidhar tha kis samt chal raha huun
ik umr main tumhara nemul-badal raha huun
jalte hain log tapte suraj ki raushni se
main ru-siyah kab se zulmat men jal raha huun
utra tha chand meri ḳhvabon ki anjuman men
main us ghaḌi se ab tak ankhen masal raha huun
ab tak basi hui hai ḳhushbu mire badan men
kahte hain is se baham do-char pal raha huun
shatir hai vaqt dekho kya chaal chal gaya hai
jis ki hai aaj duniya main us ka kal raha huun
mere qadam ba-zahir aage ko baḌh rahe hain
lekin haqiqatan main din raat Dhal raha huun
uTh kar gira huun aksar chahat ki justuju men
gir kar main ‘abdi’ ab phir se sambhal raha huun
Leave a Reply