Neelma Naheed Durrani
zindagi raat thi guzar hi ga.i
ik ajab baat thi guzar hi ga.i
jo masafat thi sab tamam hui
kaisi barsat thi guzar hi ga.i
log jitne mile bichhaḌ hi ga.e
kya mulaqat thi guzar hi ga.i
saanp hi saanp the kahani men
ik ḳhurafat thi guzar hi ga.i
din the aaseb raat Daa.in thi
kaisi afat thi guzar hi ga.i
jaan ne.amat thi ya uqubat thi
jo bhi saughat thi guzar hi ga.i
Leave a Reply