Poet
jaana chaho to kis ne roka hai
bin mire ji sakoge achchha hai
jab se us ne kaha ḳhuda-hafiz
tab se sab kuchh dhuan dhuan sa hai
aap se dhaḌkanon ki raunaq hai
dil mujhe aap jaisa lagta hai
tum nahin aa.e milne savan men
barishon ka mizaj phika hai
ye to bas dil hi janta hai mira
main ne kis dil se tujh ko chhoḌa hai
kal hua tha guzar yahan us ka
shahr ka paani kal se miTha hai
mujh ko duniya samajh men kya aati
ek hi shaḳhs ko jo socha hai
ḳhud se banti nahin kabhi ‘iqra’
jaane kis baat ka ye jhagḌa hai
Leave a Reply