ahmad-faraz

Jaan Se Ishq Aur Jahan Se Gurez

jaan se ishq aur jahan se gurez

doston ne kiya kahan se gurez

ibtida ki tere qaside se

ab ye mushkil karun kahan se gurez

main vahan huun jahan jahan tum ho

tum karoge kahan kahan se gurez

kar gaya mere tere qisse men

dastan-go yahan vahan se gurez

jang haari na thi abhi ki ‘faraz’

kar gae dost darmiyan se gurez

More Poems

Leave a Comment