aise mantar bhi ho ga.e ijad
laxmi bhi sarasvati bhi mili
vo jo ham-manzili nahin bhule
un ko taufiq-e-ham-ravi bhi mili
dushmanon hi se dushmani bhi mili
aur dar-parda rahbari bhi mili
dost hi jaan ko bhi aate rahe
doston hi se zindagi bhi mili
apne pyaron se pyaar ham ko to tha
ranj paa.e magar ḳhushi bhi mili
justuju ki mazid baḳhshi dekh
gul jo DhunDa bakavli bhi mili
zindagi thi faqat nasheb-o-faraz
ya kabhi sat.h-e-mustavi bhi mili
musla-dhar ne.amaten barsin
un men kotah-damani bhi mili
Leave a Reply