Baqi Ahmad Puri
roz-e-vahshat hai mire shahr men virani ki
ab koi baat nahin baat pareshani ki
mere dariya kabhi dariya bhi hua karte the
ab bhi avaz si aati hai mujhe paani ki
a.ina-ḳhane ke bahar vo mujhe puchhte hain
a.ina-ḳhane men kya baat thi hairani ki
ab ghazalan se kaho chhup ke kahin baiTh rahen
aamad aamad hai kisi ghul-e-bayabani ki
ham khule ghar ke makinon ki yahi aadat hai
ham na darban hue aur na darbani ki
yaad kar lena bahattar ki kahani ‘baqi’
jang chhiḌ jaa.e kisi vaqt agar paani ki
Leave a Reply