Zubair Qaisar
jhulasti dhuup men mujh ko jala ke marega
vo mera apna hai chhanv men la ke marega
vo chahta to miri ḳhaak hi uḌa deta
ye kuza-gar ki inayat bana ke marega
use ḳhabar hai laḌa.i men haar sakta hai
so apna aap vo mujh men sama ke marega
is ek ḳhauf se main jang men shahid hua
adu kamina hai ta.ane ḳhuda ke marega
main us ke jaal men a.unga dekhna ‘qaisar’
vo mujh ko dhoke se ghar men bula ke marega
Leave a Reply