Jaan Kar Kahta Hai Humse Apne Jaane Ki Khabar

jaan kar kahta hai ham se apne jaane ki khabar

ji Duba deti hai mera ye bahane ki khabar

is chaman men kaun hai dil-soz apna tujh siva

rakhiyo tuk ai barq mere ashiyane ki khabar

puchhta niin apne kuche men tu mera haal haae

le thi laila dasht men apne divane ki khabar

hain qafas men jab se ham us sang-dil sayyad ke

ashk hi leta hai mera ab-o-dane ki khabar

ham na janen kis taraf kaaba hai aur kidhar hai dair

ek rahti hai yahi us dar pe jaane ki khabar

har gul-e-dagh-e-junun par aur hai kuchh ab-o-rang

pher hai gulshan men goya gul ke aane ki khabar

aaj siine men mire dil hai nipat hi be-qarar

de hai ‘hasrat’ ghair ke ghar us ke jaane ki khabar

Leave a Comment