Agha Shayar Qazalbash
jaan dete hi bani ishq ke divane se
shama ka haal na dekha gaya parvane se
atish-e-ishq se jal jal gae parvane se
pahle ye aag lagi kaaba o but-khane se
saqiya girya-e-gham se mujhe majbur samajh
khuun rista hai ye tuute hue paimane se
raat ki raat chaman men hai numud-e-shabnam
sub.h hote hi bikhar jaenge sab daane se
dam-e-akhir tiri ankhon ki balaen le luun
aur dam bhar jo na chhalke mire paimane se
haae kya chiiz thiin vo mast nigahen ‘shair’
jhumta-jhamta nikla huun pari-khane se
Leave a Reply