Sufi
ja-ba-ja tum baithne uthne lage jis-tis ke paas
kaun kahta hai kahan kis vaqt kis din kis ke paas
naam agar manzur ho to ye hunar paida kaaro
imtiyaz akhlaq adab dil-juiyan majlis ke paas
lazzaten donon jahanon ki huiin us ko nasib
mah-ru simin-badan ghuncha-dahan ho jis ke paas
ahl-e-sarvat hain jo rakhte hain ye daulat yaan kahan
daagh dil tukde jigar gham dard alam muflis ke paas
‘ishq’ jaave kaun ghar is ke ba-juz munkir-nakir
be-zaban be-gosh be-dil be-sukhan behis ke paas
Leave a Reply