Natiq Lakhnavi
dil ko hua hai ishq mohabbat ke daagh se
parvana lau laga.e hue hain charagh se
didar-e-ruḳh nasib hua dil ke daagh se
suraj ko main ne DhunDh liya is charagh se
ik dagh-e-dil ne mujh ko diye be-shumar daagh
paida hue hazar charagh is charagh se
afsurda yuun hua dil-e-sozan ko uf na ki
aisa bujha dhuan bhi na nikla charagh se
‘natiq’ dilon men nuur hai is sham-e-husn ka
raushan hai sab ke ghar ka charagh is charagh se
Leave a Reply