KHu-E-Gham Dil Ko Hai Yani His-E-Gham Kuchh Bhi Nahin

Mani Jayasi

ḳhu-e-gham dil ko hai ya.ani his-e-gham kuchh bhi nahin

kya hai ab kar-gah-e-naz-o-sitam kuchh bhi nahin

roz-e-fariyad se maghlub nahin taqat-e-shukr

jabr-e-taqdir-e-giran bari-e-gham kuchh bhi nahin

zindagi muzda-e-gham maut naved-e-gham-e-nau

koi rudad ba-har-shan-e-karam kuchh bhi nahin

ik taraf hashr men tu ek taraf bahr-e-karam

daman-e-tar to ab ai dida-e-nam kuchh bhi nahin

darḳhur-e-be-ḳhudi-e-dil na alam hai na surur

zahr-e-gham kuchh bhi nahin saghar-e-jam kuchh bhi nahin

farq-e-zarf-e-dil-o-paimana-e-taqdir na puchh

us ne bharpur diya aur use gham kuchh bhi nahin

kya ḳhabar kya hai ye hangama-e-hasti ‘mani’

ham ko itna to hai malum ki ham kuchh bhi nahin