Abdullah Kamal
itna yaqin rakh ki guman baaqi rahe
ek zara kar-e-jahan baaqi rahe
baaqi rahe yadon ki ik qaus-e-quzah
yaani miri ja-e-aman baaqi rahe
shorish-e-khun raqs-e-junun khatm na ho
qahqaha-e-ham-nafasan baaqi rahe
aata rahe yuun hi sada mausam-e-gul
silsila-e-dil-zadagan baaqi rahe
qafla-e-gham guzran ki bhi suna
hausla-e-ham-safaran baaqi rahe
qaid-e-qafas shor-e-nafas kis ke liye
kis ke liye rishta-e-jan baaqi rahe
ankhon se chhin jaaen ik ik khvab magar
us ki talab dil ka dhuan baaqi rahe
Leave a Reply