shahida-hasan

Jab Ghar Hi Juda Juda Rahega

jab ghar hi juda juda rahega

phir haath men haath kya rahega

vo mere khayal ka shajar hai

ankhon men hara-bhara rahega

mehman vo khal-o-khad rahenge

jab tak mara shab-kada rahega

rishta mire sahil-e-nafas se

is mauj-e-sarab ka rahega

vo harf jo us ne likh diya hai

ta-umr yunhi likha rahega

ai moajaza-e-hava suna de

vo mujh men sada khila rahega

More Poems

Leave a Comment