Ajmal Siddiqi
itna karam itni ata phir ho na ho
tum se sanam va.ada vafa phir ho na ho
ye hi hain din, baghi agar banna hai ban
tujh par sitam kis ko pata phir ho na ho
shayad ye manzar us ke aane tak hi ho
ankhon men dam aTka hua phir ho na ho
manzil tak apna saath hai, gaate chalen
tu ham-qadam tu ham-nava phir ho na ho
aage thakan kar de na kam shauq-e-safar
naqsh-e-qadam par jaan fida phir ho na ho
Leave a Reply