poet

Ishwa Hai Naz Hai Ghamza Hai Ada Hai Kya Hai

ishva hai naaz hai ghamza hai ada hai kya hai

qahr hai sehr hai jaadu hai bala hai kya hai

yaar se meri jo karte hain sifarish aghyar

makr hai uzr hai qaabu hai dagha hai kya hai

tujh ko kis naam se ai fakhr mire yaad karun

baap hai piir hai murshid hai khuda hai kya hai

tum jo be-vajh sunate ho miri jaan mujhe

khuub hai nek hai behtar hai bhala hai kya hai

ru-ba-ru us ke kabhu baat na sudhri ham se

hilm hai chain hai dahshat hai haya hai kya hai

nazm ko sun ke miri hans ke ye bola vo shokh

madh hai shukr hai shikva hai gila hai kya hai

ye jo us shokh pe karta hai ‘bayan’ jaan nisar

khabt hai ishq hai sauda hai vafa hai kya hai

More Poems

Leave a Comment