mere suḳhan men tabhi falsafa ziyada hai
ki main ne likkha bahut kam paḌha ziyada hai
us ek rang ki thi justuju zamane ko
vo ek rang jo mujh pe khula ziyada hai
tum hi batao abhi kaise chhoḌ duun us ko
abhi vo mujh men zara mubtala ziyada hai
ye ek pal ki vafa muddaton ka rona hai
zara se jurm ki itni saza ziyada hai
main apne aap men huun hi nahin so ab mujh men
kuchh ek din se koi dusra ziyada hai
Leave a Reply