Sufi
leta huun us ka naam bhi ah-o-buka ke saath
kitna hasin rishta hai mera khuda ke saath
us ki qubuliyat men koi shak nahin raha
bheje hain ham ne ashk bhi ab ke dua ke saath
bujhte hue charagh ko hathon men le liya
is baar baazi jiit li main ne hava ke saath
aa ke bacha le maut mujhe zindagi se tu
kitni guzarun aur main is bevafa ke saath
tufan men mujh ko banna pada us ke dast-o-pa
‘sahil’ vagarna banti na thi na-khuda ke saath
Leave a Reply