ishq men har bala ko aane do
mujh ko mera maqam paane do
guzri baton ko kaise jaane duun
ahd-e-mazi ko yaad aane do
marhalon se gurez kya mane.a
himmat-e-zist ko baḌhane do
ḳhud samajh lenge dil ko vo mere
un ko dil ke qarib aane do
kal unhen bhi to phuul banna hai
aaj ghunchon ko muskurane do
un ki dariya-dili ko dekhen ham
aaj daman hamen baḌhane do
jin ko ‘raje’ qarib samjha hai
vo satate hain to satane do
Leave a Reply