Ishq Mein Gul Ke Jo Nalan Bulbul-E-Ghamnak Hai

ishq men gul ke jo nalan bulbul-e-ghamnak hai

gul bhi us ke gham men dekho kiya gareban-chak hai

dagh-bar-dagh ashk-bar-ashk apni chashm o dil men hain

kya bala gul-khez ai yaaro ye musht-e-khak hai

ai khizar jaun kahan main kucha-e-mai-khana chhod

khush-dili ka maulid o mansha ye khak-e-pak hai

gharq-sar-ta-pa huun bahr-e-be-karan-e-khun men main

ashna puchhe hai to ye chashm kyuun namnak hai

sarv ki nisbat se us qadd-e-bala baala ko kya

khushk chob-e-pa bigul ye vo qad-e-chalak hai

haae kin ankhon se dekhun us rukh-e-raushan pe khat

chashma-e-khurshid men ye kya khas-o-khashak hai

kafir o momin ko riqqat gham men hai ‘hasrat’ ke haae

kuchh khuda ka Dar bhi tujh ko ai but-e-bebak hai

Leave a Comment