Abbas Tabish
baithta uthta tha main yaron ke biich
ho gaya divar divaron ke biich
janta huun kaise hoti hai sahar
zindagi kaati hai bimaron ke biich
mere is koshish men baazu kat gae
chahta tha sulh talvaron ke biich
vo jo mere ghar men hota tha kabhi
ab vo sannata hai bazaron ke biich
tum ne chhoda to mujhe ye taeran
bhar ke le jaenge minqaron ke biich
tujh ko bhi is ka koi ehsas hai
teri khatir than gai yaron ke biich
Leave a Reply