ishq ki sai-e-bad-anjam se dar bhi na sake
ham tiri chashm-e-inayat se utar bhi na sake
tu na milta magar allah re mahrumi-e-shauq
jiine vaale tiri ummid men mar bhi na sake
barq se khelne tufan pe hansne vaale
aise duube tire gham men ki ubhar bhi na sake
husn khud husn-e-mujassam se pashiman uttha
aina le ke vo baithe to sanvar bhi na sake
tishna-lab baithe hain mai-khana-e-hasti men ‘sahar’
dil vo tuuta hua paimana ki bhar bhi na sake
Leave a Reply