ishq ki aag men ab shama sa jal jaunga
tujh lagan biich qadam gaad na tal jaunga
gar dam-e-tegh se sau baar kategi gardan
apni sabit-qadami sete sambhal jaunga
main vo jan-baz o havala huun patinge ki tarah
shama-ru tere upar jaan se jal jaunga
shajar-e-mom sa huun alam-e-mauhum ke biich
mehrban garam-nigahi se pighal jaunga
khaak udata hua hasti ke taiin de barbad
sar-ba-sahra huun bagule sa nikal jaunga
tere kuche ki taraf azm kiya huun janan
akhirash yak do qadam sar se bhi chal jaunga
chashm-e-bad-mast ko gardish men jo laave saaqi
abhi do jaam men sarshar ho chal jaunga
‘ishq’ hai baal se barik sirat-e-mahshar
ya-‘ali’ kah ke tabhi us pe sambhal jaunga
Leave a Reply