Zia Jalandhari
shadab shaḳh-e-dard ki har por kyuun nahin
har barg ik zaban hai to phir shor kyuun nahin
varasta-e-azab-e-tamasha hai chashm-e-barg
ai agahi nigah miri kor kyuun nahin
dast-e-saval-e-barg hai shabnam se kyuun tahi
jo badalon ko luuT le vo zor kyuun nahin
ziist ek barg-e-tishna hai vo abr kya hue
ab un ki koi raah miri or kyuun nahin
ye sho.ala ek barg-e-ḳhizan hai ki barg-e-gul
ankhon men teri shaam hai kyuun bhor kyuun nahin
Leave a Reply